Kryeministri i Kosovës, Albin Kurti u pyet sot lidhur me një deklaratë të Edi Ramës në një intervistë ku shprehej se “Veriu i Kosovës është tokë e askujt”, deklaratë e cila u përgënjeshtrua më pas nga shefi i qeverisë, duke thënë se ishte një keqkutim në gjuhë nga gazetari i huaj.
Kurti tha se veriu i Kosovës është tokë e Kosovës dhe se integriteti territorial është i pacenueshëm.
“Veriu i Kosovës është tokë e Kosovës dhe ne kemi nevojë që trupat e NATO-s të jenë në koorperim me trupat e policisë së Kosovës. Policia është responderi i parë EULEX i dyti dhe KFOR-i është i treti. Vija kufitare me Serbinë është shumë e madhe dhe ka nevojë për trupa shtesë. Veriu i Kosovës është tokë e Kosovës dhe integriteti territorial është i pacënueshëm.”, tha Kurti.