Aleatët e NATO-s u takuan sot në Bruksel për të diskutuar Traktatin e Qiejve të Hapur. Traktati i Qiejve të Hapur hyri në fuqi në 2002 dhe është krijuar për të forcuar besimin dhe sigurimin kundër sulmeve.

Ky traktat eshte firmosur nga 35 shtete.

Ky traktat eshte një program fluturimesh të paarmatimit të mbikqyrjes ajrore mbi të gjithë territorin e pjesëmarrësve të tij.

Ne jemi të vendosur fuqimisht për ruajtjen e kontrollit efektiv ndërkombëtar të armëve, çarmatimin dhe mos-përhapjen – u shpreh sot Sekretar i përgjithshëm i NATOs Stoltenberg.

Të gjithë Aleatët e NATO-s janë në përputhje të plotë me të gjitha dispozitat e Traktatit.

Rusia ka vendosur për shumë vite kufizime fluturimi në kundërshtim me Traktatin, përfshirë kufizimet e fluturimit mbi Kaliningrad, dhe kufizimin e fluturimeve në Rusi afër kufirit të saj me Gjeorgjinë. Implementimi i vazhdueshëm selektiv i Rusisë ka minuar Traktatin e Qiejve të Hapur.

Gjatë shumë viteve, përfshirë në Samitet e njëpasnjëshme të NATO-s, Aleatët i kanë bërë thirrje Rusisë të kthehet në pajtueshmëri të plotë. Shtetet e Bashkuara e kanë shpallur Rusinë në kundërshtim me Traktatin dhe tani kanë njoftuar synimin e saj për t’u tërhequr në gjashtë muaj, në përputhje me dispozitat e Traktatit.

Shtetet e Bashkuara kanë deklaruar që mund të rishqyrtojnë tërheqjen e saj nëse Rusia kthehet në pajtueshmëri të plotë. Aleatët e NATO-s janë duke u angazhuar me Rusinë për të kërkuar kthimin e Rusisë në pajtueshmëri në datën më të hershme të mundshme.

Aleatët e NATO-s do të vazhdojnë të mbështesin dhe të forcojnë më tej kontrollin e armëve, çarmatimin dhe mos-përhapjen, si elementë kryesorë të sigurisë sonë. Aleatët gjithashtu mbeten të hapur për dialog me Rusinë në Këshillin NATO-Rusi për uljen e rrezikut ushtarak dhe transparencën.

PËRGJIGJU

Please enter your comment!
Please enter your name here