Gazetari Alfred Peza mendon se SPAK-u dhe Byroja e Hetimit në vendin tonë do të ngjajë me FBI-në Amerikane. Në rrjetin social Facebook ai shkruan:
Që SHBA është duke udhëhequr zbatimin e reformës në
drejtësi në Shqipëri, ky nuk është një lajm i ri. Në punën për ngritjen e këtij
sistemi të ri, ka dy lajme pozitive:
E para, Këshilli i Lartë i Prokurorisë hapi garën për anëtarët e Prokurorisë
speciale, (SPAK) e cila së bashku me Gjykatën speciale do ketë si objektiv
korrupsionin e zyrtarëve të lartë dhe krimin e organizuar. Prokuroria speciale
do përbëhet nga 15 anëtarë, të cilët do plotësojnë një sërë kriteresh strikte.
E dyta, “Zëri i Amerikës” tha se me ngritjen e Prokurorisë dhe
Gjykatës speciale, hapet dhe rruga për krijimin e Byrosë Kombëtare të Hetimit
(BKH), e cila do të funksionojë sipas modelit të FBI-së amerikane.
Pra tani ka edhe një FBI Amerikane dhe një FBI Albaneze. Nga dy kamberë në një
derë, tani do kemi dy FBI në një dorë!