Partia Demokratike bën me dije kreun e KQZ Celibashin dhe opinionin publik se Basha është dorëhequr, dokumentacioni i paraqitur është i plotë.
Alibeaj ka njoftuar Celibashin se Lulzim Basha është dorëhequr si kryetar i PD më 21 mars 2022 dhe dokumentacioni i paraqitur është i plotë.
‘Në mungesë të zgjatur të kryetarit dhe me autorizim të tij, njëri prej tyre zëvendëson kryetarin’- lexohet në dokumentin e drejtuar KQZ-së.
Më herët, Celibashi deklaroi se në bazë të dokumentacioneve që i janë paraqitur, të drejtën për regjistrimin e Partisë Demokratike në zgjedhjet e 14 majit, e ka Lulzim Basha.
Tashmë, PD ka vënë në dispozicion një shkresë ku informohet se dokumentacioni për dorëheqjen e Bashës është paraqitur i plotë.
