Kreu i komanduar i PD-së, Enkelejd Alibeaj në një konferencë me gazetarët, thotë se Sali Berisha dhe deputetët pranë tij, kanë zaptuar selinë blu, çdo degë si edhe po pengojnë që PD-ja zyrtare të jetë pjesë e zgjedhjeve lokale.
“Është e qartë që PD-ja është e përçarë dhe situata e vitit të fundit vetëm se ka ndihmuar në ndarjen e mëtejshme të demokratëve. Duke nisur nga manovrat e Edi Ramës për ta stërzgjatur procesin e gjyqit, deri tek gjuha tribale dhe banale e Sali Berishës ndaj pjesës së PD që mendon ndryshe nga ai. Është e qartë për të gjithë që çdo degë e PD0së, duke perfshirë edhe selinë kryesore është zabtuar nga Berisha dhe njerëzit e tij dhe kjo ka pasur efektin e vetë në organizimin normal të një partie që po përgatitet të hyjë në zgjedhje”.
Përsa i përket Tiranës, Alibeaj theksoi se Belind Këlliçi e ka patur mundësinë të përfaqesohej me siglën e PD, dhe pas akuzave dhe situatës së krijuar, ai tha se ja ka zgjatur dorën e bashkëpunimit.
“Çfarëdo emri të përdorin, nuk do ja fshehin dot demokratëve dhe shqiptarëve që pazari mes Ilir Metes dhe Sali Berishës është mënyra për të mbajtur peng demokratët dhe për ti detyruar që dhe njeherë tjetër të votojnë për një parti të majtë, që permes pazareve solli Edi Ramën në pushtet”,-tha më tej Alibeaj.