Kreu i Ballit Kombëtar Adriatik Alimadhi ka sqaruar për mediat pse pranoi të merrte mandatin e deputetit.
Sipas tij PD nuk ka respektuar marrëveshjen me partinë që ai drejton e për këtë ai ka zbatuar vendimin e kryesisë së Ballit Kombëtar.
“Do të jem në funksionim të plotë të kauzës kombëtare, të kauzës së Mit’hat Frashërit, vllazërimit kombëtar. Të gjitha marrëveshjet PD nuk i ka zbatuar ndaj Ballit Kombëtar. Jam konsultuar me zotin Basha, personalisht jam në dispozicion të vendimit të kryesisë së partisë që do të thotë kryesia ka vendosur që unë të ndjek të gjuitha procedurat ligjore për institucionet e këtij vendi”, tha Alimadhi para se të hynte në sallën e seancave plenare.