Fitorja e arritur në transfertën ndaj Fiorentinës me rezultatin e ngushtë 0-1 është një rezultat pozitiv për Juven, e cila mori një bonus të rëndësishëm në ndeshjen e kthimit.
“Duhet t’i bëjmë komplimente Fiorentines, zhvilloi një ndeshje të mirë. Ishte një ndeshje e bllokuar, në pjesën e parë rrezikuam jo pak, me dy kundërsulme të tyre, por skuadra rezistoi mirë në fushë. Të fitosh këtu nuk është e lehtë, skuadra tregoi shenja maturie”, u shpreh Allegri.
Më pas, tranjeri italian i stolit të Juventusit foli edhe për titullin në Serie A, ku theksoi:
“A është titulli i pamundur? Absolutisht po. Kuota për tu shpallur kampion është 84-85 pikë, mendoj se vetëm një nga tre ekipet e para mund ta arrijë duke parë kalendarin. Është shumë e thjeshtë, është e gjitha matematikë. Këtë pyetje duhet t’ia bëni tre ekipeve të para, jo mua. Ne jemi larg, duhet t’i fitojmë të gjithë ndeshjet dhe kjo më duket shumë e vështirë, mos u shqetësoni”, ka thënë Allegri në konferencë për shtyp.