Efehan, djali i Almeda Abazit dhe aktorit tukr Tolgahan ka vetëm gjashtë muaj që ka lindur, por i është dashur ti nënshtrohet një ndërhyrjeje kirurgjikale.
Lajmi bëhet i ditur nga mediat turke, dhe operacioni fatmirësisht ka shkuar mirë. Vogëlushi ka pasur disa kiste në kokë dhe operacioni që zgjati pak orë shkoi shumë mirë.
Burime për mediat turke bëjnë me dije se gjatë kohës që djali ka qenë në sallën e operimit, Almeda ka shpërthyer në lot.
“Djalin tim e kapi syri i keq”, raportohet të ketë thënë ajo duke iu referuar faktit që muajt e fundit, i biri ishte pjesë e serialit që po xhironte Tolga.
Çifti ka vendosur ta ekspozojë edhe përmes fotografive vogëlushin që prej ditës së parë të ardhjes së tij në jetë.
Shpresojmë që Efehani të jetë shëndoshë e mirë dhe të gëzojë shëndet të plotë!