Kryetari i Partisë së Lirisë, Ilir Meta foli sot për “laraska dhe sufllaqexhinj” të kapur nga SPAK që e kanë tradhëtuar atë.
Pas këtyre deklaratave të tij të forta nënkryetari i partisë, Endrit Braimllari dha dorëheqjen, ndërkohë që Elona Guri, një mbështetëse e fortë e Monika Kryemadhit, i doli atij në mbrojtje.
“Jam krenare për rrugëtimin tënd miku im! Që nga gjimnazist e deri në prind, ti nuk lëvize kurrë prej boshtit të vlerave të tua.
Kemi ndarë bashkë sakrificat dhe punën e palodhur për të cuar përpara misionin LSI, që shumë e quanin të pamundur. Jemi kritikuar sepse kemi besuar.
Por pa tradhëtuar kurrë idealet tona dhe duke qenë model i asaj lëvizje pozitive që përfaqësonte partia jonë LSI në këto 20 vite për të gjithë ata mijëra burra, gra e të rinj në të gjithë Shqipërinë”, shkruan Guri, në postimin e Braimllarit, ku deklaron dorëheqjen.