Ambasada e SHBA diskuton sot Asociacionin, kryeministri Albin Kurti përjashtohet nga takimi

Këtë të martë pritet të mbahet një takim në ambasadën amerikane në Prishtinë, me përfaqësues të institucioneve të qeverisë dhe të opozitës, kjo për të diskutuar për Asociacionin e komunave me shumicë serbe. Pjesë e këtij takimi nuk do jetë Kryeministri i Kosovës, Albin Kurti. Vetë ky i fundit ka treguar se nuk ka marrë një ftesë të tillë nga amerikanët. “Unë nuk jam ftuar në atë takim, por ata që janë ftuar, le të shkojnë në atë takim dhe le ta diskutojnë”, njoftoi shefi i ekzekutivit javën që shkoi.