Ambasada e SHBA në Spanjë ka marrë një letër bombë, të ngjashme me ato të dërguara në ambasadën ukrainase dhe objektiva të tjerë në vend.
Ditën e djeshme, një punëtor pësoi lëndime të lehta kur një letër-bombë shpërtheu në ambasadën e Ukrainës në Madrid, duke bërë që policia të nisë një hetim dhe të rrethojë zonën. Gjykata Kombëtare e Spanjës po heton incidentin në ambasadën e Ukrainës si një akt terrorist dhe në ndërtesë është caktuar siguria shtesë.
Paketa të ngjashme postare i janë dërguar që atëherë ministrisë së mbrojtjes të Spanjës, një qendër satelitore në një bazë ajrore dhe një fabrikë armësh që prodhon granata të dërguara në Ukrainë.
Një pajisje e ngjashme shpërthyese iu dërgua me postë të rregullt kryeministrit spanjoll, Pedro Sanchez, por u asgjësua nga ekspertët e skuadrës së bombave, thanë autoritetet spanjolle.
Ambasada ruse në Madrid ka dënuar incidentet, duke thënë se “çdo kërcënim apo sulm terrorist, veçanërisht ato të drejtuara ndaj misioneve diplomatike, janë plotësisht të dënueshme”.