Përfaqësuesi i Rusisë në tryezën e Organizatës së Kombeve të Bashkuara, Vasily Nebenzya ka deklaruar se Moska nuk e di me kë duhet të negociojë në Kiev për t’i dhënë fund konfliktit.
Sipas tij, Moska vëren një numër të shtuar të thirrjeve drejtuar Federatës Ruse nga partnerët e huaj që bëjnë thirrje për negociata për t’i dhënë fund armiqësive.
“Duke lënë mënjanë faktin që regjimi i Kievit, siç kemi qenë të bindur më shumë se një herë, është në parim i paaftë për negociata dhe gjithashtu ka ndaluar ligjërisht çdo negociatë me Rusinë, do të doja t’u bëja të gjithë të pranishmëve pyetjen: me kë duhet të zhvillohen këto negociata?
Në fund të fundit, vendimi i vetëm i diktatorit të Kievit për të mos mbajtur zgjedhje presidenciale, padyshim nga frika e humbjes së tyre, i marrë në kundërshtim me Kushtetutën e Ukrainës , e bën atë të paligjshëm nga 21 maji”, tha Nebenzya.