Teksa prezantoi amnistinë fiskale, kryeministri Edi Rama e quajti mungesë respekti për Shqipërinë kritikat e të huajve, për të cilët tha se ata mund ta refuzojnë si ide, edhe sipas tij amnistia bëhet në të gjitha vendet.
“Qeveritë, kur angazhon në amnisti, angazhohen në funksion të nxjerrjes së parasë nga e zeza në të bardhë. Dhe t’i thuash Shqipërisë se amnistia në vetvete është diçka e papranueshme, kjo është mungesë respekti për Shqipërinë dhe qeverinë e Republikës së Shqipërisë.
Dhe si gjithmonë dhe kurdoherë, të gjithë miqve dhe partnerëve tanë ndërkombëtarë, do t’u them, respekti reciprok është A-ja e punës sonë.
Me respekt mund të refuzohet çdo ide, por ta trajtosh Shqipërinë si një vend me bisht, ndërkohë që amnistia është bërë dhe bëhet në mënyrë të rregullt, pa asnjë polemikë, nga të gjitha vendet që na japin mësime, kjo nuk është as gjëja e drejtë, as gjëja e duhur, as gjëja që çmon respektin gati-gati pa kushte që ka Shqipëria ndaj partnerëve të saj”.