Pasi mungoi në sallën e seancën plenare në Kuvend, ku PS-ja tërhoqi nga votimi pr/ligjin për Amnistinë Penale, Lulzim Basha doli në një konferencë për shtyp. Basha deklaroi se shpreson se amnistia të mos shndërrohet në një pazar për të tentuar për të blerë vota nga radhët e opozitës, teksa shtoi se grupi i tij mund të votojë pro saj nëse hiqen propozimet nga të cilat përfitojnë zyrtarët e dënuar nga SPAK dhe në falje përfshihen dhe protestuesit e arrestuar në protestat e mëparshme opozitare.
“Edhe këtë të enjte aktet qeveritare u miratuan për 8 minuta dhe u bllokua çdo hapësirë për opozitës për të bërë detyrën e saj për transparencën dhe gozhdimin e aferave qeveritare. Pas seancës dëgjuam një deklarim të qeverisë se përse u tërhoq amnisti nga rendi i ditës. Shpresoj të ketë qenë pjesë e gënjeshtrave dhe që nuk do ta shndërrojnë amnistinë në pazar të gjësë së gjallë për të peshkuar vota.
Lexo edhe :
Related Posts
Nëse vërtetë duan të kenë një përqasje humanitare për amnistinë, rruga është e thjeshtë. 1 të hiqen propozimet për të përfituar zyrtarët e korruptuar dhe së dyti në amnisti të përfshihen ata që zvarriten gjyqeve si protestuesit e Astirit, Bregut të Lumit, që u ngritën në protesta për të mbrojtur pronën e tyre, por dhe atyre që protestuan kundër vjedhjes së zgjedhjeve. Këtë e kemi si kusht dhe nuk ka tërheqje. Ky është qëndrimi ynë”, tha Basha.
Por ministri i Drejtësisë, Ulsi Manja tha se pr/ligji nuk do kthehet në Komision, dhe se do të jenë mbi 90 deputetë që do të votojnë pro.