Ana Lika dhe Roza Lati kanë lajmëruar se do të krijojnë një parti të re.
E ftuar në emisionin e Roza Latit “Bukë me vete”, aktorja Ana Lika, tha se ajo do të jetë kryetarja e partisë ndërsa Roza nënkryetarja.
Teksa u shpreh se partia e tyre do të quhet Ç.J, (Çafkat e Jugut), parashtroi ndryshimet që do bëjë nëse fiton.
“Në këtë parti njeriu gjen lirinë e vetë, është parti e bërë vetëm nga femra, një parti që operon në jug. Planet për këtë parti kanë nisur nga një fundjavë në plazhin e Dhërmiut. Unë mendoj të ngrij detin dhe ta bëj pistë patinazhi nga Saranda në Dhërmi”, u shpreh me grimca humor Ana.
Pas kësaj, Roza dhe Ana dolën në qytetin e Sarandës teksa u kërkuan njerëzve vota për partinë e tyre.
Ato premtuan se jugu nuk do të jetë aktiv vetëm në verë, por edhe gjatë stinës së dimrit.