English VersionKontakto redaksinë
BREAKING NEWSPD SOT ZGJEDH SËRISH LULZIM BASHËN DHE FILLON BETEJËN PËR KATHARSISx
Analisti i njohur zbulon se kush do i fitojë zgjedhjet në Partinë Demokratike: Është në avantazh…
SHKRUAR NGA SOT.COM.AL13 QERSHOR 2021
Analisti Ben Andoni ka komentuar zhvillimet e fundit politike.
Ai tha se procesi i votimit për kreun e ri të PD i parë nga jashtë duket i qetë dhe i rregullt, por shqetësuese sipas tij janë pretendimet e dy kandidatëve, Fatbardh Kadilli dhe Edith Harxhi që janë më të përditësuar me problematikën e PD.
Andoni deklaratat e sotme të këtyre dy kandidatëve lidhur me problemet që kanë lidhje me mungesën e aksesit në listat e votueseve apo pretendimet për garë të pabarabartë, i vë këtë të fundit përballë një pozite dorëzimi në krahasim me kreun aktual, Lulzim Basha që mbetet më i avantazhuari.
“Ky stad i PD është stad realisht demokratik, kështu që sido të jetë zgjedhja, PD ka sjellë një frymë të mirë, por nëse akuzat do të vazhdojnë për numërimin… Nuk pres surpriza lidhur me rezultatin pasi shoh një lloj dorëzimi të kandidatëve. Kadilli e tha që në fillim që gara nisi dhe u mbyll e pabarabartë dhe ankimimet e Shehajt që janë hedhur poshtë”, tha z. Andoni.
Nëse rizgjidhet në krye të PD, Basha sipasAndoni nuk do të jetë më si më parë.
“Pas shpalljes non grata të Berishës, pas urdhrit ekzekutiv që do prekë shumë personazhe nga PD e PS z. Basha i duhet të ketë një qasje reale dhe jo ambigue siç e ka aktualisht. Ai ishte shumë ambig për atë që thoshte për Berishën kur u shpall non grata, tani duhet të ketë një qëndrim”, tha Andoni për Euronews Albania.