Analisti Andi Bushati, i ftuar në rubrikën “Opinion” në studion e lajmeve në News 24 komentoi vendimin unanim të opozitës së bashkuar për t’i djegur mandatet e deputetit. Nëse një gjë e tillë ndodh tha Bushati, Parlamenti e humb kuptimin dhe asgjësohet pluralizmi.
“Lëvizja e tanishme e opozitës gjithmonë nëse i shkohet deri në fund është e këtij niveli. Parlamenti humb kuptimin dhe bëhet njëngjyrësh. Kjo do të thotë asgjësim i pluralizmit, lënie e Ramës në një sistem monopartiak. Më ka çuditur uniteti i opozitës, prisja të kishte më shumë rrjedhje, por më duket aq e unifikuar sa them mos është lojë apo vërtetë janë aq të unifikuar. Ishte rrugë ekstreme, por opozitës nuk i kishte ngelur gjë tjetër se cfarë të bënte. Opozita shkon në Parlament por çfarë do në Parlament nëse i është hequr çdo mekanizëm ligjor”,- tha ai.
Bushati tha ndër të tjera se djegia e mandateve ishte një e keqe e domosdoshme dhe në këtë rast duhet të ndërgjegjësohen edhe ambasadorët e huaj që ndodnjëherë mbtllin njërin sy përpara problemeve reale.
“Unë e quaj djegien e mandateve një të keqe të domosdoshme, por njerëzit nuk duhen gënjyer, që sot djegim mandatet e nesër çlirohet Shqipëria. Ka një rrugë dhe kalvar të gjatë para. Djegia e mandateve do t’i bëjë shqiptarët të gjykojnë jo më unë jam me Ramën për inat të Saliut por a duhet që në shekullin e 21 Shqipëria të kthehet në sistem monopartiak? Këta ndërkombetarët që e vënë theksin tek stabiliteti më shumë se tek drejtësia, që e shohin Shqipërinë me syze rozë dhe thonë po mirë po pranojmë disa defekte të vogla ka ardhur koha të ndërgjegjësohen”, u shpreh analisti.
Bushati foli ndër të tjera për një taktikë që do përdorin ndërkombëtarët, sidomos me liderin e PD-së Lulzim Bashën.
“Dy muajt e parë ne do dëgjojmë reveshe të forta kundër Bashës. Taktika e ndërkombëtarëve është: tyrsno më të dobtin që të arrish ta zgjidhësh problemin. Por çfarë na tregoi çadra? Të gjithë diplomatët e quajtën rrugë radikal, por në 2 muaj çadër problem kaloi deri tek kancelarja Merkel. Një goditje e fortë radikale e çon hallin nga disa ambasadorë qoftë të squllët apo të blerë, më lart se ata, pra tek institucionet ndërkombëtare”,- vijoi ai. / Burimi Balkanweb