Në Ditën Ndërkombëtare të Rinisë, Njësia e Integrimit në BE, në bashkëpunim me Sektorin e Arsimit, Kulturës dhe Sporteve, Bashkia Mat organizoi një takim me të rinj dhe organizata të shoqërisë civile.
Në këtë takim, ku i pranishëm ishte edhe kryebashkiaku Agron Malaj, u diskutua rreth angazhimit dhe kontributit të të rinjve në vendimmarrjen e qeverisjes vendore.
Gjatë bashkëbisedimit, të rinjtë u njohën më nga afër mbi funksionimin e pushtetit vendor si dhe dhanë mendime të ndryshme në lidhje me shumë prej projekteve të Bashkisë.
Më konkretisht, u diskutua rreth krijimit të një Këshilli Rinor; krijimi i një web/faqe zyrtare ku të shpalosen punimet artizanale, hapja e një kinemaje; ngritja e kampingjeve në zonat turistike si dhe shtimi i terreneve sportive.
Kryebashkiaku Malaj i garantoi se do të kenë mbështetjen maksimale në lidhje me këto kërkesa dhe prezantoi disa prej nismave ambicioze për të rinjtë.
