Angela Merkel është fotografuar duke bërë pazar në supermarket në Berlin. Mes krizës që po përjetohet për shkak të Covid-19, kancelarja Merkel ka zgjedhur të shkojë vetë në market për të blerë produktet ushqimore që i duhen.
Krejt si një kliente e rregullt, Merkel shkon raft më raft për të parë nëse kanë mbetur produktet që ajo kërkon dhe vihet në radhë përpara kasieres. Foto janë shkrepur një ditë më parë, rreth orës 5 pasdite, në supermarketin “Hit Ullrich”. Kancelarja Angela Merkel e ka mbushur vetë shportën e blerjeve, mallrat (përfshirë sapun, letër higjienike) dhe në fund pagoi me kartë.