Aktorja shumë e dashur për publikun, Angelina Jolie, vetëm së fundmi ka promovuar filmin e saj më të ri “Maleficent: Mistress Of Evil”, i cili është pritur me padurim nga publiku pas suksesit të madh që kishte pjesa e tij e parë. Ky film e riktheu aktoren në botën e aktrimit pas plot katër vitesh mungesë.
Në një intervistë të dhënë për ‘People’, Angelina ka treguar se periudha larg kinematografisë ka qenë padyshim periudha më e keqe e jetës së saj. “Ishte një kohë e ashpër. U riktheva pas disa vitesh të vështira dhe nuk ndihesha shumë e fortë. Në fakt ndihesha e dërrmuar shpirtërisht. M’u desh pak kohë sa të ndieja sërish fuqinë e ‘Maleficent’”, është shprehur ajo.
Gjatë viteve që Angelina i mungoi aktrimit, ajo u nda dhe nga Brad Pitt. Aktorja ka treguar për ‘People’ se fëmijët e saj, ndonëse prindërit e tyre kanë bërë karrierë në industrinë e filmit, nuk duan të bëhen aktorë. “Askush nga fëmijët e mi nuk do të bëhet aktor. Atyre ju pëlqen biznesi, punët humanitare dhe gjëra si këto”, ka treguar bukuroshja.