Mesfushori kosovar i Arsenalit dhe Zvicrës, Granit Xhaka është shprehur se do të jetë i pranishëm në ndeshjen Angli -Kosovë, për ta mbështetur Kosovën.
Ylli i përfaqësueses së Zvicrës është në Prishtinë në aktivitetin e fondacionit të Lorik Canës, ku do të jetë prezent në ndeshjen e “Yjeve” kundër skuadrës së Milot Rashicës.
Kjo ndeshje bamirësie organizohet nga komuna e Prishtinës dhe FFK-ja.
“Do të jem prezent në Angli për ta shikuar ndeshjen Angli – Kosovë, shanset janë shumë të mira shpresoj të ia arrijnë qëllimit”, ka thënë Xhaka.