Shoqata e Ndërtuesve është ankuar në Gjykatën Kushtetuese për situatën me pallatet, por që kryeministri Edi Rama thotë se është i vendosur që të vazhdojë aksioni për prishjen apo konfiskimin e pallateve në shkelje.
Përmes një postimi në twitter, Rama thotë se Shoqata e Ndërtuesve është ankuar në Gjykatën Kushtetuese, por kryeministri vijon duke thënë se nuk do të ndalet edhe nëse do të shkonin në Hagë apo Hënë.
“Shoqata e Ndërtuesve qenka ankuar në Gjykatën Kushtetuese pse po goditen rëndë pallatet me shkelje të lejeve të ndërtimit! Le të shkojnë edhe në Hagë ose në hënë po të duan, po pallatet me shkelje do prishen ose do konfiskohen për interes publik prandaj uroj që GJK të mos lajthisë”,-shkruan Rama.