Prokuroria e Krimeve të Rënda ka zgjatur edhe me tre muaj afatet e hetimit për ish-ministrin Saimir Tahiri. Por ky i fundit e ankimoi sot zgjatjen e afatit të hetimeve duke kërkuar që çështja të shkojë në Gjykatë.
Nxitimi i ish-deputetit socialist për të mbyllur me shpejtësi këtë dosje ka shtruar disa pikëpyetje, mes të cilave edhe synimin e Tahirit për t’u rikthyer në politikë e aq më tepër kandidat i vetëm në zgjedhje.
Një prej tentativave, por që nuk është finalizuar ka qenë edhe regjistrimi në QKR i një portali të ri, që mbante emrin “Zëri i Popullit”, e njëjtë me organin zyrtar të PS.
I spikatur nga Rama që në moshë të re, Tahiri do të fitonte shpejt pushtet brenda radhëve të PS-së, ku nga zëdhënës, do të kalonte në drejtues i Fondacionit “Qemal Stafa” e më pas në deputet i Partisë Socialiste. Prej aksioneve dhe deklaratave të forta kundër qeverisjes së djathtë Tahiri do të bëhej ministër i Brendshëm. Pushteti i akumuluar duke drejtuar një nga ministritë më të rëndësishme, bënë që të ishin të shumtë edhe ata brenda PS-së që e shihni atë si pasardhës të Edi Ramës. Por dalja e emrit të tij nga opozita në lidhje me Habilajt, bënë që kuotat e tij politike të bien. / tirananews.al