Së shpejti testimi praktik do të bëhet me monitorim 360 gradë me audio dhe figurë dhe transmetim në kohë reale dhe jo vetëm. Drejtoria e Përgjithshme e Shërbimeve të Transportit Rrugor bën të ditur se ka sjellë risi përsa i përket testimit praktik për lejen e drejtimit, për të qenë sa më transparent dhe objektiv.
Kjo risi që vjen së shpejti në Shqipëri, është për herë të parë në rajon, duke qenë pjesë e një revolucioni digjital për monitorimin e testit praktik.
Këto risi janë: Monitorim 360 gradë me audio dhe figurë, livestreaming në kohë reale, gjurmim me GPS i vendndodhjes dhe trajektores së përshkuar, menaxhim dhe analizë e videove, all in One Mobile Camera FULL HD (NVR).
Sisteme të tilla operative dhe të informatizuara do të sigurojnë një monitorim intereaktiv dhe në kohë reale të të gjitha proceseve duke filluar nga pranimi, testimi e deri te lëshimi i leje drejtimit sipas standardeve më të larta. Nisma të tilla nxisin ndërgjegjësimin e kandidatëve për të qenë sa më të përgatitur në testim dhe mbështesin e promovojnë sigurinë rrugore.