Ansi Agolli pritet t’i jap fund aventurës me Karabakun në kampionatin azerbajxhanas pas plot 9 vitesh. Ish-kapiteni i Kombëtares me shumë gjasa do të largohet nga kampionët në fuqi në fund të sezonit.
“Ansi Agolli po mendon ta mbyllë karrierën në fund të sezonit. Për këtë arsye, sezoni aktual do të jetë i fundit për të te Karabak”, shkruan një faqe me emrin e klubit azerbajxhanas në “Facebook”.
Megjithëse këtu flitet për mbyllje karriere, mbetet të shihet nëse do të vijojë te skuadra e tij e zemrës, Tirana, apo do t’i varrë përfundimisht “këpucët në gozhdë”. Kujtojmë se Agolli ka dalë si futbollist te 24 herë kampionët e vendit, me të cilët nisi të luajë si profesionist në vitin 2000.