Kreu i grupit parlamentar të Partisë Socialiste paralajmëroi se dekreti i presidentit Meta për Antishpifjen do të rrëzohet në Kuvend. Duke folur për mediat ai tha se sapo të nisë zyrtarisht sesioni i ri parlamentar do të mbeten në fuqi dy nismat e maxhorancës pa asnjë ndryshim.
“Dekretet e Presidentit Meta do të rrëzohen në seancën e parë”, u shpreh Balla.
Ai ka folur dhe për Reformën Zgjedhore dhe deklaratat e opozitës, teksa shtoi se i vetmi vend që diskutohet kjo reformës është komisioni i posaçëm dhe Kuvendi.
Ndërsa për kryebashkiakun e Mallakastrës, Qerim Ismailaj i akuzuar nga PD se është i dënuar dhe preket nga ligji i dekriminalizimit, Balla tha se është përgjegjësi personale.
“PS ka vendim politik që prej ditës që ka mbështetur ligjin e dekriminalizimit, nuk i takon më asnjë përgjegjësie PS-së, por është përgjegjësi personale, i bëj thirrje prokurorisë, që të mos humbë kohë në asnjë rast për çdo individ që opinioni publik të informohet mbi të shkuarën e çdo kandidatet”, tha Balla.
