Deputeti i Rithemelimit, Saimir Korreshi ka reaguar pas anulimit të seancës së 7 marsit, vendimin që u mor në Sekretariatin e Etikës, pas kërkes nga Gazment Bardhi për ta shpallur të pavlefshme atë seancë dhe ligjet që u votuan. ”Sot është një fitore e vogël në dukje por arroganca si janë bërë këto votime. Do verifikojmë të gjitha votimet sepse të tilla vendime mund të jenë marrë edhe më parë. Deputetët e mazhorancës të lënë qejfet e të vijën të votojnë ligjet që kanë propozuar”.
Një nga projektligjet në këtë votim të datës 7 mars ishte zgjatja e afatit për investimet strategjike duke e çuar deri në fund të dhjetorit të këtij viti. Felaj më 7 mars e mbrojti vendimin e saj, ndërsa sot socialistët u tërhoqën pas marrëveshjes politike që kanë arritur me demokratët e Rithemelimit.
Më 7 mars demokratët ishin në protestë teksa socialistët votonin në shkelje të rregullores. Kreu i grupit parlamentar të PD-së, Gazment Bardhi akuzoi më pas nënkryetaren Ermonela Felaj se po kalonte ligjet në shkelje të rregullores, pasi në parlament mungonte kuorumi.