Sonte në mbrëmjë janë të ftuar në emisionin “Zonë e Lirë” dy këngëtarët e njohur Anxhela Peristeri dhe Mateus Frroku që i ka bashkuar bashkëpunimi i tyre i parë me titull “Muza ime”.
Arian Çani ka vënë re gjatë hyrjes së tyre në emision se si Anxhela dhe Mateusi janë dobësuar shumë. Anxhela ka treguar se ka rënë 12 kile për tre muaj dhe Mateusi për një vit ka humbur 37 kile.
Gjatë emisionit Çani u ka kërkuar të dy këngëtarëve që të ndajnë me publikun sekretin e tyre për rënien në peshë, ku Anxhela ka thënë se është futur në palestër e balet, ndërsa Mateusi bën shumë ecje.
“Unë faktikisht jam shumë e dashuruar me ushqimin, mendoj se me kalimin e moshës edhe pjesa e argëtimit dhe alkoolit kalon. Unë kam vajtur në palestër, kam filluar balet dhe bëj gjëra të tjera, si Body Code, etj”, u shpreh Anxhela. “Unë po e fus edhe seksin atëherë, s’ka pse mos të jetë. Unë bëj ecje, është një kënaqësi që më pëlqen ta ndjej çdo ditë dhe rezultatet e trupit kanë qenë pozitive”, u shpreh Mateus mbi rrëzimin e kileve. / Panorama/