Kilogramët e tepërt janë stres për shumë njerëz dhe vullneti për të humbur peshë është disi vështirë të gjendet. Por Anxhela Peristeri ia ka dalë më së miri duke humbur 16 kg për vetëm 7 muaj.
Dobësimi i ka rënë në sy dhe fansave të këngëtares, të cilët e komplimentojnë shpesh herë në foto që Anxhela poston në rrjetet sociale. Madje ka pasur dhe nga ata që mendonin se bukuroshja shqiptare mund të ketë përdorur Photoshop në fotot e postuara me bikini.
E ftuar në “Zonë e Lirë”, artistja ka treguar se si ia ka dalë dhe është pikërisht vullneti pika kyçe. “Faktikisht, duket sikur është shumë e vështirë të dobësohesh. Por faktikisht, nuk është e vështirë.”, ka thënë Peristeri e pyetur se si ia ka dalë të humb kilogramët e saj.
Anxhela tregoi se përveç stërvitjes, ka një ushqim të caktuar që e ka eliminuar krejtësisht nga regjimi i saj: “Por, duhet të vazhdosh stërvitjen dhe sigurisht, të eliminosh në mënyrë drastike brumërat”, ishte këshilla e Anxhelës.