Apeli i Posaçëm ka liruar nga qelia ish-drejtorin e Bashkisë Tiranë, Mariglen Qato.
Shkalla e dytë e gjyqësorit ka pranuar kërkesën e tij dhe ka ndryshuar masën e sigurisë nga “arrest në burg” në “arrest shtëpie”.
Vendimi është shpallur nga gjyqtarja Ilirjana Olldashi.
Për Qaton, SPAK ka kërkuar 9 vite burg, me akuzat për korrupsion pasiv në katër raste, pastrim parash dhe fshehje pasurie.
Sa i përket dosjes “5D”, aktualisht asnjë nga të pandehurit nuk ndodhet në qeli, ndërsa procesi gjyqësor ndodhet në fazën e mbrojtjes së të pandehurve.