Apeli i Posaçëm ka lënë në fuqi masën e sigurisë “arresti në burg” për ish-zyrtaren e Ministrisë së Financave, Alda Klosi, e cila akuzohet për “pastrim parash”, “fshehje të pasurisë” dhe “deklarim të rremë para oficerit të Policisë Gjyqësore”.
Avokati Ilirjan Nuho pretendon që nuk ka prova dhe fakte që implikojnë në vepër penale ndaj nuk ka pse të qëndrojë sipas tij, Alda Klosi pas hekurave ndërsa kërkoi që Prokuroria që të vërtetojë deklaratat e Rozeta Dobit.
Klosi ka pranuar shifrën 120 mijë euro të marra hua nga vëllai për kurimin e xhaxhait ndaj thekson se nuk ka pse ta deklarojë. Ndër të tjera ka theksuar se 30 mijë euro ia kishte lënë xhaxhai dhe nusja e tij për arredimin e shtëpisë.
“U konfirmua vendimi i mëparshëm. Qëndrimi i Alda Klosit është bërë publik. Ka pranuar faktin që 120 mijë euro i kishte hua nga vëllai për nevoja të kurimit të xhahxhit të ndjerë në Amerikë dhe 30 mijë euro ishin lënë nga xhaxhai dhe nusja për arredimin e shtëpisë”, tha Nuho.