Apeli i GJKKO ka shtyrë për nesër vendimin për Erion Veliajn. Ky i fundit kërkon rrëzimin e masës së sigurisë ”arrest me burg”. Vendimi do të shpallet të enjten në orën 10.00 nga gjyqtari i Posaçëm, Engert Pëlumbi.
Kryebashkiaku i Tiranës ka kërkuar masë më të lehtë të sigurisë ”arrest me burg”. Kjo me argumentin se nuk ka rrezik për prishje provash apo largim nga vendi. Seanca nisi që dje, por u shty për arsye të paraqitjes së provave të reja nga SPAK për Veliajn.
Kryebashkiaku Erion Veliaj u arrestua më 10 Shkurt, i akuzuar për dy vepra penale. Prej 1 muaji tashmë, Veliaj ndodhet në ambientet e paraburgimit në Durrës.