Përmes një postimi në rrjetet sociale sot në 6 korrik, ministri i Brendshëm Besfort Lamallari, u ka bërë thirrje të rinjve që të bëhen pjesë e Policisë së Shtetit.
Ai ka ftuar të rinjtë e të rejat që të aplikojnë në programin “Siguria dhe Hetimi”. Lamallari deklaron se në këtë mënyrë të rinjtë nisin një rrugëtim sfidues si shërbëtorë publikë të ligjit në vend dhe për Shqipërinë e së nesërmes në BE.
Lamallari nënvizon se Shqipëria ka nevojë për të rinj e të reja të devotshëm, që duan të bëjnë diferencën me përkushtimin e tyre.
Postimi i ministrit të Brendshëm Besfort Lamallari
Ka momente në jetë kur nuk zgjedh thjesht një profesion, por një mision. E tillë është edhe karriera në Policinë e Shtetit. Nëse beson se ndershmëria, guximi dhe përgjegjësia nuk janë vetëm fjalë, por vlera për të cilat ia vlen të jetosh e të shërbesh, atëherë vendi yt mund të jetë në Akademinë e Sigurisë
Ju ftoj të aplikoni për programin “Siguria dhe Hetimi” dhe të nisni një rrugëtim sfidues si shërbëtorë publikë të ligjit në Shqipërinë sot dhe Shqipërinë e së nesërmes së afërt në BE
Policia e Shtetit ka nevojë për një brez të ri vajzash dhe djemsh që duan të bëjnë diferencën, të mbrojnë qytetarët dhe të mbajnë me krenari uniformën e shtetit. Shqipëria ka nevojë për më të mirët Gjeni më shumë informacion në linkun bashkëlidhur https://asp.gov.al/hapet-aplikimi-per-konkurrim-per-ndjekjen-e-programit-te-studimit-siguria-dhe-hetimi-cikli-i-pare-bachelor-ne-akademine-e-sigurise-per-vitin-akademik-2026/?fbclid=IwY2xjawS47YhleHRuA2FlbQIxMABicmlkETFJdlFTOU1JWlVRZ1I4NzZyc3J0YwZhcHBfaWQQMjIyMDM5MTc4ODIwMDg5MgABHiMzCwJIcy1Pq8Enp4ZWDUS83_-9OXih7ER01skvVUso585uZK6pd1ADyPbS_aem_BiEPRW_6bQVOBHe-ZXSQew