Arabia Saudite nuk do të garojë për të organizuar Botërorin 2030 në një kandidaturë të përbashkët me Greqinë dhe Egjiptin.
Lajmin e bën të ditur Ministri i Jashtëm, Bin Farhan Al Saud, sipas të cilit, është e pamundur që në këtë garë të përballet në kushte të barabarta me kandidaturën e Spanjës, Portugalisë dhe Ukrainës.
Mediat spanjolle theksojnë se kandidatura iberike është shumë hapa përpara pasi federata ka bërë një punë të madhe diplomatike duke fituar mbështetjen e një numri të madh federatash.
Presidenti Luis Rubiales duket se është shumë hapa përpara rivalëve që kanë vendosur të tërhiqen për të mos harxhuar energji të tjera. Në garë mbetet kandidatura tjetër e organizimit nga Argjentina, Uruguaji, Paraguaji dhe Kili.