Gatimi është një nga pasionet kryesore të Arbana Osmanit, e cila jo vetëm që poston shumë prej gatimeve të saj në “Instagram”, por ka shkruar edhe një libër me receta. Ndërkohë, Arbana bëri së fundmi një postim në profilin e saj ku i’u sugjeronte fansave të saj myslimanë të provojnë një recetë gatimi për iftarin. Mirëpo, ajo e ka fshirë brenda pak minutash për shkak se kuptoi gafën e bërë.
Në fotot e siguruara nga ‘Express Rozë’, shihet teksa ajo sugjeronte një recetë me mish derri dhe verë të bardhë. Me shumë gjasa, Arbanës i ka shpëtuar fakti se besimtarët myslimanë nuk mund të konsumojnë mish derri apo të pinë alkool, për më tepër gjatë muajit të shenjtë të Ramazanit.
“Ta keni si ide dhe për iftar me që shume mi kërkoni recetat para iftarit”, shkroi moderatorja. Ushqimi që ka sugjeruar ajo është tagliatelle me lule kungulli, pancetta(mishi që përftohet nga pjesa e barkut të derrit) dhe krem djathi.
