Duke komentuar deklaratat e kryeministrit Rama për rritjen e pagave dhe bonusin për pensionistët, eksperti Arben Malaj ka shpjeguar efektin real që do të ketë në aspektin ekonomik.
“Rritja e pagave dhe pensioneve nëse bëhet jashtë logjikës ekonomike nga ethet elektorale mundet që rritja e saj të rrisë koston e biznesit, e cila çon në ulje të prodhimit. Nga ana tjetër, ulet prodhimi, por rritet kërkesa sepse u rritën pagat. Dhe kjo krijon një spirale inflacioniste. Rriten pagat, në një masë të caktuar inflacioni rritet më shumë se pagat dhe vendi shkon në krizë”, u shpreh Malaj.