Ish kreu i KQZ, Arben Ristani u shpreh se të gjitha çështjet në këshillin politik mund të arrihen nëse ka vullnet politik.Ristani tha se nuk ka rëndësi nëse në zgjedhje ka komisionierë politikë apo jo, nëse ky vullnet i mirë ekziston.
Ai shtoi se identifikimi biometrik ka qenë një nga kushtet kryesore të PD-së, pasi shmang një pjesë të manipulimit zgjedhor.
“Të gjitha ato që diskutohen me vullnet janë shumë të lehta. Edhe çështja e elektronikës nuk është fare e vështirë që të përdorur, pasi përdoret në shumë vende të botës. Sigurisht që sistemi do masa sigurie, por është e realizueshme.Ne zgjedhjet i kemi menaxhuar për shumë vite me komisionerë politikë. Zgjedhjet mund të menaxhohen me komisionerë politikë dhe jo politikë, por vetëm nëse ka vullnet të mirë politik. Identifikimi biometrik ka qenë një nga kushtet kryesore të PD-së, pasi shmang një pjesë të manipulimit zgjedhor. Unë nuk jam për kushtet të panegociushme, pasi gjithçka mund të arrihet. Reforma zgjedhore nuk qëndron e vetme, pasi është e lidhur me atë në drejtësi, për ligjin e ndarjes territoriale, me sistemin e adresave dhe demokratizimin partive politike. Në këtë kuptim kur flasim për administratë zgjedhore, nëse do të kishim një prokurori të pavarur, do të kishim padi kundër këtij krimi zgjedhor.”-tha Ristani për Ora News.