Drejtori i Policisë së Shtetit, Ardi Velia ka shkuar në qytetin e Elbasanit pas atentatit të ndodhur mbrëmjen e sotme ku u ekzekutua Andi Zylyfi dhe u plagos Ardit Uruçi.
Deri më tani janë shoqëruar së paku 10 persona të cilët po merren në pyetje për ngjarjen e ndodhur. Ndërkohë në aksionin për kërkimin e autorëve po merr pjesë FNSH të cilët po përdorin edhe qenin gjurmues gjatë kontrolleve.
Me breshëri plumbash është vrarë djali i një polici burgu Andi Zylyfi ndërsa me plumb në kokë është plagosur shoku i tij, Ardit Uruçi. Të rinjtë u qëlluan sapo dolën nga një kafe nga një makinë në lëvizje.