Ish-kreu i KESH Gjergj Bojaxhi ka debatuar me Ardian Çelën, administrator i OSHEE.
Bojaxhiu tha se ndërmarrja energjitike është keqmenaxhuar dhe shkak për këtë është korrupsioni.
Çela iu kthye se të dëgjosh atë që e solli kompaninë këtu ku jemi sot duhet të kesh stomak dhe nerva të çelikta.
Pjesë nga intervista në Open
Bojaxhi: Në Evropë ka një krizë pa diskutim, që një pjesë prodhohet nga gazi natyror, çështja është çfarë varësie kemi ne nga importi, përveç 2018, që nga 2009 e sot ky është viti i dytë me prodhimin më të lartë hidrik.
Shqipëria nivelin e humbjeve e ka shumë të lartë. Në Angli çmimet do rriten se do dali çmimi i bursës, ne në Shqipëri do ti kemi humbjet 21 përqind se kompania nuk është menaxhuar siç duhet. Në çdo kompani, e kanë humbjen 5 përqind ose pak më lart, vetëm në Shqipëri është i lartë.
Këto humbje përkthehet në humbje valutore .
Ardian Çela, administrator i OSHEE: Të dëgjosh atë që e solli kompaninë këtu ku jemi sot duhet të kesh stomak dhe nerva të çelikta. Meqë po flet ai për humbje ai i ka pasur mbi 30 përqind në kohën e tij.