Ikona e municioneve, njeriu i shkëlqyer, burri i urtë e mjaft korrekt, eksperti i rrallë ushtarak në llojin e vet i njohur në gjithë Shqipërinë, u vlerësua sot me këtë titull të lartë, gjatë një ceremonie të veçantë që organizoi Këshilli i Bashkisë Klos.
Autoritetet lokale dhe kolegët vlerësuan veprimtarinë e Arif Llaveshit si mësues në vitet ’50-të, në disa fshatra të trevës së Klosit, si dhe karrierën dinjitoze të tij si oficer aktiv për 33 vite, sidomos si Shef i Degës së Municioneve në Ministrinë e Mbrojtjes për afro 27 vjet.
Kryetarja e Bashkisë Valbona Kola tha se këshilltarët vlerësuan punën, mundin dhe sakrificat e këtij burri fisnik, të ditur, patriot dhe të dashur.
