Për dy muaj me radhë, Arilena Ara ka punuar në një prej studiove më të mira në Los Angeles për versionin në anglisht të këngës “Shaj”, me të cilën u shpall fituese e “Festivalit të RTSH-së”.
Këngëtarja po përpiqet që të na përfaqësojë denjësisht dhe ka luftuar për ta përshtatur sa më mirë këngën e saj në anglisht, për t’i lënë përshtypjen e duhur publikut të huaj.
Tashmë, “Shaj” e ka një titull zyrtar në anglisht, i cili në fakt na bëri përshtypje.
Siç vetë Arilena e ka konfirmuar, kënga e saj në anglisht do të titullohet “Fall from the sky”.