Një 45-vjeçar u sulmua nga ariu në Bjeshkët e Gjallicës, dhe u soll me urgjencë në Tiranë.
Ekrem Onuzi ishte duke kullotur bagëtitë kur u sulmua nga ariu i murrmë. Në përleshje me të ai mori plagë të shumta në kokë, shpatull e këmbë. Ngjarja mësohet se ndodhi rreth orës 11.00 të së dielës dhe fatmirësisht në ndihmë të tij kishte shkuar dhe një i afërm.
“Jemi njoftuar në sallën operative se në vendin e quajtur Sasat, mali i Gjallicës, Ekrem Onuzi, rreth 45 vjeç, banues në fshatin Nangë, duke kullotur bagëtitë është sulmuar nga një ari, duke i shkaktuar plagë në kokë, shpatull dhe në këmbë. Policia është nisur drejt vendit të ngjarjes. Nga Tirana është nisur për ndihmë edhe helikopteri, për shkak të terrenit të vështirë malor”, u bë e ditur nga Policia lidhur me ngjarjen.
Por ndërkohë banorët e zonës rrëfejnë se ai lëviz lirshëm pranë traut ku paguhet taksa e Rrugës së Kombit në Kalimash.
