Nga sezoni i ri televiziv na ndajnë edhe pak kohë, megjithatë lëvizjet e para kanë nisur që tani.
Burime për “IndeksOnline” kanë zbuluar se e para që do të eksperimentojë me ndryshimet, është moderatorja Arjola Shehu.
Ata shprehen se Arjola është në prag të nënshkrimit të marrëveshjes me “Ora Nes” për një emision me të ftuar në studio dhe intervista showbiz-i.
Para pak kohësh moderatorja ishte pjesë e televizionit Klan, ku prezantonte emisionin “Kush vjen për drekë”, por me përfundimin e tij, ajo nuk ishte më pjesë e asnjë televizioni.
Aktualisht Arjola është duke punuar për spektaklin “Miss Shqipëria”, i cili do të zhvillohet më 6 korrik në Libohovë.