Arjola Shehun e kemi parë në formate të ndryshme në televizion, fillimisht me emisionin “Tek unë” në InTv, më pas “Kush vjen për drekë” në TV Klan dhe këtë sezon po e shohim çdo ditë në emisionin e mëngjesit në RTV Ora “Ditë e re”.
Arjola sot vendosi t’u përgjigjej pyetjeve të ndjekësve në Instagram dhe kur e pyetëm se cili emision mendon se i përshtatet më shumë, moderatorja na zbuloi se ende nuk e ka realizuar projektin e ëndrrave, por la të kuptohej se do e sjellë së shpejti në ekran.
“Tek unë ishte format që e krijova unë! Do jetë përgjithmonë i imi! Por edhe tek Ditë e Re po ndihem shumë mirë sidomos sepse këtë eksperiencë po e ndaj me Kelvin, që e kam shok prej shumë vitesh! Megjithatë, projektin e ëndrrave akoma s’e kam realizuar! Vjen së shpejti”, shkruan Arjola.
