Sekretarit të Ministrisë së Financave, Arlind Gjokutaj këtë të enjte Gjykata e Tiranës i caktoi masën e sigurisë “arrest me burg”. Sot ai ishte në seancë, ndryshe nga hera e shkuar që mungoi për shkak të gjendje shëndetësore jo të mirë. E njëjta masë u dha edhe për Fatmir Hoxha dhe Alban Rulin.
Një muaj më parë Gjykata e Tiranës kishte caktuar masën e sigurisë “arrest në burg” për Sekretarin e Përgjithshëm të Ministrisë së Financave, Arlind Gjokutaj, drejtorin Juridik të MF, Fatmir Hoxhaj dhe përmbaruesin Alban Ruli. Sekretari i Përgjithshëm i Ministrisë së Financave së bashku me dy zyrtarët e tjerë të këtij dikasteri u arrestuan pasi akuzohen të kenë shpërdoruar detyrën.
Sipas prokurorisë arrestimet erdhën pas një hetimi të hapur ndaj një personi i cili u kompensua për privatizimin e një ndërmarrjeje shtetërore pavarësisht se ishte paguar dhe herë tjetër. Në njoftimin e prokurorisë së Tiranës thuhej se shuma prej 50 milionë lekësh që iu kalua Ilir Thanës edhe ky i arrestuar, vlerësohet si një vjedhje në Buxhetin e Shtetit.