Armina Mevlani prej disa ditësh ndodhet në Paris për të ndjekur javën e modës që po zhvillohet në kryeqytetin francez. Së fundmi ajo ka pasur mundësinë të shikojë nga afër koleksionin e ri të dizanjeres së famshme britanike, Vivenne Westwood. Ajo ka publikuar në rrjete sociale disa video nga koleksioni i ri, që është prezantuar në sfilatën e fundit, ku mori pjesë edhe Bella Hadid.
Armina i ka pëlqyer shumë veshjet e stiluara, por mbi të gjitha ajo është befasuar nga një detaj që ka zbuluar. Bloggerja shqiptare ka mësuar se për disa nga veshjet e dizenjuara Vivenne Westwood është frymëzuar nga veshjet tradicionale shqiptare. Armina ka treguar se ka mbetur e surprizuar, sepse për veshjet e saj Vivienne ka përdorur disa elementë shumë të veçantë nga folklori shqiptar. “Kjo veshje është frymëzuar nga folklori shqiptar, nga veshje të vjetra të burrave. Është e mrekullueshme, nuk e prisja këtë gjë”, shprehet Armina e emocionuar në një video.
