Marsida Qatja, gruaja në banesën e së cilës u vra Dritan Haxholli nga efektivi Bledar Toçi, është larguar drejt Gjermanisë.
Pavarësisht se Gjykata e Kavajës ka vendosur masën ’Detyrim Paraqitje’ për Qatjan, kjo e fundi ka marrë tre fëmijët e saj dhe është ‘arratisur’ drejt shtetit gjerman. Marsida ka publikuar në rrjetet sociale një foto me njërin nga fëmijët dhe ka shkruar “Mirupafshim”.
Kujtojmë që Qatja është nën akuzë për përshtatje të ambjenteve të banesës për konsumim droge. Më herët, Marsida ka zbuluar se bashkëshorti i saj vuan dënimin në një burg të Gjermanisë, dyshohet se kjo mund të jetë dhe arsyeja që ajo ka ikur.
Largimin nga vendi Marsida Qatja e paralajmëroi gjatë një interviste të dhënë për tirananews.al.