Në konferencën e së premtes, tashmë traditë me gazetarët, Sali Berisha foli edhe për arrestimin e kryetarit socialist të Bashkisë së Bulqizës, Lefter Alla me urdhër nga SPAK.
Sipas Berishës, Alla i kishte dosjet palë-palë, por që kërkoi që të rikandidoi për kryetar pa i thënë PS-së dhe u arrestua.
“Ata që kundërshtojnë, arrestohen brenda orëve. Narkotrafikanti i Bulqizës kishte dosjet palë palë prej 4 vitesh. I denoncuar për vjedhje monstruoze. Ishte unik sistemi i tij në botë për vjedhje. Nuk i futej gjemba në këmbë. Në momentin që deklaroi se do kandidonte dhe s’do pyeste partinë, i vunë prangat. Është akt poliitik, i mbajti dosjet për 4 vite të fshehura pastaj e shitën si sukses të drejtësisë”,-tha Berisha.