Policia serbe ka arrestuar babanë e 21-vjeçarit Uroš Blažić që vrau tetë persona dhe plagosi 13 të tjerë në fshatin Dubona.
Gjatë kontrollit në shtëpinë e 55-vjeçarit u gjet dhe sekuestrua arsenal armësh.
Të dyshuarit i është caktuar masa e ndalimit deri në 48 orë dhe me kallëzim penal do të dërgohet në prokurorinë kompetente.
Kujtojmë se ngjarja e rëndë ndodhi pesë ditë më parë, ku 21-vjeçari Uros Blažić, hapi zjarr ndaj banorëve të një fshati në Serbi, Dubonë, duke lënë të vdekur tetë persona, si dhe duke plagosur 13 të tjerë. Mes viktimave, ishte një polic dhe motra e tij.