Ylli Ceka, ish-efektiv i Forcave të Ndërhyrjes së Shpejtë është vënë në pranga, 11 vite pas shpalljes së tij në kërkim për vrasje.
Ceka është arrestuar në Shkodër, teksa lëvizte me një automjet në lagjen Sarreq të qytetit verior, për llogari të Policisë së Tiranës.
Ish-efektivi i FNSH-së së Tiranës është dënuar me 11 vite burg nga Gjykata e Tiranës, për vrasje. Sipas vendimit të Gjykatës, Ylli Ceka është shpallur fajtor për vrasjen e një personi të identifikuar si Edvin Vogli, ngjarje e ndodhur më datë 11 dhjetor të vitit 2010.
Në atë kohë krimi u krye me armën e punës nga ish-efektivi Ceka, pas një konflikti pronësie që ky i fundit pati me Voglin.